Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

 تعلمت حب الاختلافات الي بيني وبين غيري

 تعلمت حب الاختلافات الي بيني وبين غيري

جنان محمد
عمري 20 سنة, طالبة جامعية
مشاركتي بالمهرجان صارت عن طريق الصدفة،واختاريت فريق الرسم و الديكور لأن هوايتي الرسم
رغبتي انو اقضي وقتي و اني دااسوي شي حلو استفاد منه وافيد غيري دفعتني اشارك بالمهرجان
اعرف المهرجان من 2012 لأن اخوية مشارك بيه و اني وعائلتي حضرنا المهرجان لأكثر من سنة بس مصارت فرصة اشارك بيه الا بهاي السنة
صار تغيير بحياتي لأن تعرفت على ناس روحهم حلوة و لطيفين وطموحين جدا

وصرنا اصدقاء وهالشي فرحني كلش وخلاني احب الاختلافات الي بيني وبين غيري لأن

كل شخص بينه له شي مختلف بشخصيتة هو الي يميزه

IQPeace Media Team 2018

Posted in Articles, English, IQPeace Media, Peace news, Peace Stories, قصص السلام, youth, سلام, شباب, عربي

لا يمكن للدولارات والبنادق استبدال العقل وقوة الارادة

لا يمكن للدولارات والبنادق استبدال العقل وقوة الارادة

اسمي حارث رسول، عمري ٢٤ سنة مهندس مدني اعمل في مجال الهندسة

شاركت ضمن فريق التوعية المبتكرة وهدفنا بهذا الفريق واحد هو ان نقوم بتوعية المجتمع وننشر المعلومات ونطور من البيئة ونستخدم الطاقات البديلة لانها اقل ضرر للبيئة ، ببلدنا درجة الحرارة عالية نكدر نستغلها لنحصل على طاقة تشغيلية جديدة 

هذا الفريق هو لنشر افكار جديدة مبتكرة من خلال وجود طاقات بديلة يمكن استثمارها تعرفت على مهرجان عن طريق اصدقائي، وهاي السنة الثانية الي المهرجان كسبت اصدقاء وطورت من عملي من خلال خبرتي 

كلمة أوجهها للناس ماكو شي مستحيل نكدر نبحث ونلجأ للحلول السلمية والي تخدم البيئة وبغداد اسمها دار السلام اتمنى هذا الاسم يرجع فعل وترجع الطيبة والمحبة

 Dollars and Guns Can Not Replace Mind and Volition!

My name is Hareth Rasool, 24 years old. I work within my field as a civil engineer

I participated in the “Innovative Awareness” Team to raise the awareness in the community and improve the environment. On top of that, we tend to use alternative energies that are less harmful to our environment

The high temperature in Iraq can be exploited to get new operational power

Our team is founded to spread new innovative ideas throughout the alternative energy that can take advantage of

I got to know the carnival through one of my friends This is the second year for me to participate in this carnival

As a volunteer, I gained a lot of friends and improved my experience in my own field as well

A word I’d to say for people that there is nothing impossible! We can seek for the peaceful solutions that serve the environment

I hope the motto of Baghdad as the City of Peace brings back to love and goodness

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

لا تؤجل الى الغد ماتستطيع ان تفعله في اليوم نفسه 

لا تؤجل الى الغد ماتستطيع ان تفعله في اليوم نفسه

اسمي كوثر حيدر جاسم  عمري ٢٠ سنة

طالبة ترجمة انكليزي, مشاركتي بالمهرجان لبث روح التطوع بين الناس، ونوصل رسالة بأنه نحن اصحاب سلام

ونبرز الجانب الأيجابي من بلدنا وان الحياة ليست فقط حرب ودمار وانما اكو سلام وتعايش بينا واكو ناس تحب الحياة وعدهم رسائل يريدون يوصلوها

شاركت ضمن فريق التشريفات، وهاي مشاركتي الاولى بهذا المهرجان. نطمح ان نوصل رسالة السلام الي تقريبا انعدمت عدنا خلال هاي الفترة، ونبين انه الشباب قادرين على تغيير الواقع وعدهم إرادة بالتغيير نحو الافضل، ونعكس صورة حلوة عن بلدنا وعن بغداد تحديدا
تعرفت على المهرجان صدفة عن طريق الفيس بوك سنة ٢٠١٦
التغيير الي أتأمله ان يصير حافز لبقية الشباب ويتطوعون ويعكسون صورة ايجابية عن بلدهم ،والسنة الجاية نكون اضعاف هذا العدد من المتطوعين

IQPeace Media Team 2018

Posted in IQPeace Media, Peace news, Press Release, سلام

استمارة التطوع في مهرجان بغداد دار السلام 2018

استمارة التطوع في مهرجان بغداد دار السلام 2018
بكل سعادة و سلام نعلن عن انطلاق استمارة متطوعي مهرجان بغداد دار السلام لسنته الثامنة على التوالي
خلي نتطوع سوه ونوصل رسالة السلام للكل

علما أن موعد المهرجان لهذه السنة سيكون يوم السبت المصادف 8 / ايلول

8/9/2018
منتظريكم على الموعد 
#التطوع_اسلوب_حياة  #IQPeace  
#PeaceDay

رابط الاستمارة 

http://bit.ly/IQPeaceVolunteerForm2018

,,,,,,,,,,,,,,,,,,,,,,,,,,,,,

الهاشتاك العام للمهرجان الثامن هو 

#التطوع_اسلوب_حياة

شنو يعنيلك التطوع؟

وشنو الي قدمه الك بحياتك؟

سؤال سألنا لنفسنا ب 2011  وكل سنة نسأل و كل مرة نلكه اله اجابة جديدة

التطوع المتعارف عليه هو عمل من غير مقابل

زين هل كل عمل غير مقابل هو تطوع؟!.. اكيد لا

التطوع عمل تحس نفسك قدمت من خلاله شي للمجتمع, بهذا العمل كدرت تبني حياتك بي, هذا العمل زرع عندك قيم ومبادئ هواية

عن تجارب شخصية مختلفة, التطوع زرع عندنا القوة, الارادة, المسؤولية, المشاركة, الامل, الحب و السلام

كل سنة ننتظر المهرجان وبنفس الشغف علمود نكدر نطور هذا الشي عندنا ونعكس هذا الشي للمجتمع

ولهذا نختصر هذا االكلام كله بثلاثة كلمات

التطوع اسلوب حياة

هذا الهاشتاك الرئيسي لهاي السنة, راح نشتغل سوه عليه علمود نكدر نوصله للجيل القادم من المتطوعين و للناس ونكدر نوصل معنى التطوع وقيمته الحقيقية

IQPeace Media 2018
Posted in Articles, English, Peace Stories, قصص السلام, youth, سلام, شباب, عربي

قصة حسن وتطور حياته

مرحبا اني اسمي حسن

اليوم راح احجيلكم عن قصة شاب .. جان طالب شاطر واعفاء عام دائما, وحالة حال اغلب الشباب في مرحلة السادس ومابعدها مايعرف شنو يريد وبشنو هو يبدع بس الطبيعي ان يتجه للهندسة او الطب لان هاي موروثات وتقاليد عائلية لازم نمشي بيها بس ماحالفة الحظ وطلع معدل

قدم للهندسة المدني بكلية المنصور لكونها اكثر قسم مناسب بمسيرتة من الاجتهاد ودخل مرحلة اولى, بس بعطلة هالمرحلة هذا الشاب كعد وية نفسة وسئلهة اني وين؟ وشنو دااسوي بحياتي؟ وين اريد اوصل؟ هنا بدة هذا الشاب ينغبش بنفسه شاف انه هو يميل للطبخ وصارله فترة يسويهة ك هواية

بوقتها جان سمين كال بلة خلجرب اسوي اكل صحي وبكل بساطة كام يصنع اكلات صحية ونزل 20 كيلو خلال شهرين

بهاي المرحلة جان يعرف وحاضر لمهرجان اسمة بغداد دار السلام ب 2015 قرر هذا الشاب يقدم على المهرجان, اول يوم من طرح فكرتة وهي بوث للاكل الصحي, شاف تفاعل كلش جبير من تيم المهرجان دعمو وقدموله هواي امور حتى يحقق شي مهم وبالفعل حققة ونجح البوث وهذا الشاب وصل لهواي عالم وحبوا شغلة

هنا ماوكف هذا الشاب راح اشتغل بمطعم مشهور بس حتى يتعلم ووصل بي انه سوة منيو لاكثر من مطعم من ضمنهن مطعم المحطة واشتغل بيهة وكذلك مطعم اسمة

food republic  

وصار الة اسم بهالمجال

عبالكم وكف هنا ؟ لا .. بصدفة غريبة واحد من الاصدقاء العرفهم عن طريق التطوع ديسولفون طبيعي فكال اله عندي فلم فكرتة هيج وهيج ليش ماتاخذ دور البطولة؟ فكر هواية وطبعا جان قرار صعب ومجازفة بيهة, الشي جديد ومايعرف وين يوصل بي صار فلم الخالق واغلب الشافوا كلولة كمل بهذا المجال بعدها سوة دعايتين وكل هذا وهو ماخذ مجازفة بشي جديد و اكتشف انه عندة شغف جبير بي

تعب؟ اي تعب وفترات راد يعوف كلشي بسبب الضغوطات بس بعد كل انجاز جان يكول النفسه سوي شي اكبر واهم يفيدك ويفيد هالعالم لان انت عندك بعد طاقة اكبر

بلاخير احب اكول ثقتك بنفسك هي طريقك للنجاح تواصلك مع نفسك هو السيارة لتوديك للنجاح شغفك بعملك وابداعك لتخليلة حدود

مهما جانت الضروaف الي تواجهة بحياتك .. كاعد تدرس تشتغل تسوي هوايتك وتعمل بشغفك كمل بيهن كلهن لان هذا الشي هو الي راح يصنع الهدف الاساسي من حياتك هاي الشغلات كلهة من تجتمع هي الي راح تراويك هدفك الاساسي بهاي الحياة

IQPeace Media Team 2018

The story of Hassan and his life development

Hello , my name is Hassan . Today I will tell you a story about a young boy who once used to be the top of his class and just like other young boys in their 12th grade he did not know what he wanted or what he was good at , but normally he will turn his interests towards architecture or medicine studying because it’s what our parents wish for us to be , unfortunately he wasn’t lucky because his high-school graduation  grade was not promising. He applied for civil engineering in Al Mansour University because it’s the perfect specialty for him in his career and he became a first year student there . During his summer break when he finished his first year he kept asking himself where am I? What am I doing with my life ? What do I want to be ? At this point he became close with his thoughts and figured he likes cooking and he has been cooking for a while as a hobby . During that time he was fat so he wanted to try healthy eating so he started to make his own healthy recipes which made him lose 20 kg in 2 months . In this stage of his life he attended a carnival called ” Baghdad City Of Peace Carnival 2015 ” so he decided to apply for that carnival as a volunteer . In his first day on his idea about the healthy eating he witnessed a tremendous reaction from the carnival’s team , they supported him and helped him to achieve something important and he succeeded! And the community loved his work . He did not stop at that point and he decided to work in a famous restaurant just so he can learn . He ended up creating menus for more than one restaurant including ” The Station Restaurant ” and ” Food Republic ” He made his name in that field . Do you think he stopped there ? On the contrary.. In an odd coincidence , one of his volunteer colleagues offered him the leading role in a movie with a really great idea so he thought about it and it was a risky and a hard decision to make . A new dawn has came for this young man when the movie ” The Creator ” was released and most of the people who saw the movie told him to proceed his way in his career then he made two advertisements and he figured his passion to this field . Is it tiring? Yes. He says, and sometimes he wanted to abandon everything because of the stress but after every achievement he tells himself to make something great that will bring the goodness to him and to the world . Finally I want to say that believing in yourself is your way to success , don’t limit your passion in work and creativity . Whatever the circumstances were whether you are studying or working finish what you started because it’s the only thing that leads to your main goal .

Posted in Articles, English, IQPeace Media, Peace news, Press Release, قصص السلام, youth, سلام, شباب, عربي

مهرجان بغداد دار السلام شريك رسمي مع يوم السلام العالمي لعام 2018

مهرجان بغداد دار السلام شريك رسمي مع يوم السلام العالمي لعام 2018

English – عربي

نعم من لديه مشروع حقيقي يصب في صالح المجتمع يمكنه ان يحقق هدف”
ولان شباب مهرجان بغداد دار السلام منذ اول فعالية لهم عام ٢٠١١ كانو يعلمون ان هدفهم بعيد وصعب التحقيق ولاسباب كثيرة لكنهم اليوم وهم يستعدون لمهرجانهم الثامن يدخلون اكبر تجمع من اجل السلام في العالم
“من السهل ان تكتب الشعارات لكن الافعال تحتاج الى كثير من العقل والصبر لتحقيق اهدافك بشكل منطقي وواعي 

حاتم تومي – بغداد 

هكذا استقبل أحد اعضاء مهرجان بغداد دار السلام خبر انضمام المهرجان لاكبر تجمع للسلام في العالم لهذه السنة حيث يأتي هذا   الانضمام نتيجة العلاقات الدولية المستمرة ما بين مهرجان بغداد دار السلام و الحركات العالمية الفعالة في بناء السلام

هذا التجمع العالمي للسلام اعلنته المنظمة العالمية (بيس وان دي) في فترة سابقة من هذه السنة للترويج عن اهداف التنمية المستدامة التابعة للأمم المتحدة وبالتحديد للترويج عن الهدف السابع عشر الذي يركز على الشراكة والاهداف المشتركة ما بين الحركات الفعالة في المجتمعات

“Yes, who has a real Movment in the interest of society can achieve the goal of “
“The young people of IQPeace since their first event in 2011, they know that their goal is far from being difficult and for many reasons, but today, as they prepare for their eighth festival, they enter the largest gathering for peace in the world”

Hatem Toumi – Baghdad

It has been a fantastic couple of weeks for the Partnerships for Peace Coalition; new partners joining every day and making their commitment to#Goal17 and partnering with other organisations around the world for PeaceDay.

Goal 17 of the #GlobalGoals aims to “strengthen the means of implementation and revitalize the global partnership for sustainable development”. We can only achieve our goals if we work together in partnership – PeaceDay aims to create a moment of unity which partners can use as a catalyst for good. #KnowYourSDGs

#IQPeace officially Member of Partnerships For Peace Coalition 2018.

IQPeace Media Team 2018

 

Posted in Articles, IQPeace Center, IQPeace Media, Peace news, قصص السلام, youth, سلام, شباب, عربي

خوش مساحة شبابية

خوش مساحة شبابية 

أقل من عشرة دقائق من النظرة الجديدة للمساحة الشبابية لشباب بغداد

في بغداد عادة من الصعوبة اي شاب او شابة يلكون مساحة لدعم مواهبهم, قدراتهم, احلامهم وشغفهم

تقريبا جيل التسعينات وما بعده الي كانت فترة شبابهم ما بين 2006 الى 2011 عاشوا هل الشي بشكل قوي ,, تريد تعزف موسيقى باي مكان متكدر, ترسم بالشارع ممنوع او حتى تصوير اماكن عامة في بغداد كانت تعتبر تحدي جبير جدا وغيرها من الامثلة الكثيرة

لذلك شباب بغداد وبعد سنوات من العمل التطوعي والتنقل ما بين المقاهي والكافيهات لاجل لقائاتهم, والاجتماعات في مؤسسات مختلفة حبوا يصنعون مكانهم الخاص بيهم, مكان يكون انطلاقة جديدة لاحلامهم وتطوير مواهبهم 

شنو مساحة شبابية بالنسبة لهم؟!!

هم يشوفون المساحة الشبابية مكان همة بي احرار بتفكيرهم وطريقة حياتهم, مكان من تفكر بفكرة جديدة مفيدة وجنونية حتلكة الي يسويها وياك وللنهاية يكمل وياك ويدعمك, مكان تكدر تطرح بيهة اي فكرة ممكنة التطبيق او غير ممكنة, مكان ياخذون بي وقتهم الكافي للأستراحة والتفكير بأنفسهم واحلامهم وطموحاتهم

تبدي مساحة الشباب بغرفة مربعة صغيرة صنعوا فيها اثاث صناعة يدوية من اخشاب تستخدم لنقل البضائع (سكيبات) وجذع شجرة انتهى عمرها ل تتحول الى مظلة تضيئ الغرفة والخشب, مع القليل من الملصقات الصغيرة وتركوا الجزء الاعلى من الغرفة فارغ ,, لكي تكون مساحة عرض شعارات ولوكوات المبادرات والاماكن الشبابية الموجودة في بغداد وجمعها في مكان واحد سوية  ولكي تكون على شكل رسالة واضحة تبين اتحاد المبادرات والاماكن والحملات والفرق التطوعية الشبابية سوية لهدف واحد هو بغداد 

المساحة الشبابية يشوفوهة على شكل غرفة للموسيقى سووهة بنفسهم وسوولها باب عازلة للصوت علمود لا تأثر على بقية المكان وعلكوا بيهة الالات موسيقية قديمة عاشت فترة طويلة من الزمن لينتهي بها المطاف وية الشباب وتدريباتهم الموسيقية

يجسدوهة على شكل قاعة للتدريبات والاجتماعات وعرض الافكار, بديكور مختلف التصميم عن ما هو سائد في بغداد, عجلة سيارة(تاير) ملون هنا وهناك للجلوس , (كرويته) قديمة بغدادية الطراز و كيتار والالات موسيقية منتهية الصلاحية معلقة على جدران القاعة تم اعادة استخدامها لكي تنير ايامهم وذكرياتهم 

اما القاعة المجاورة لقاعة التدريبات فهي ايضا مساحة للاجتماعات والتدريبات المختلفة , في احدى زواياها المنخفضة قاموا باعمار الحائط بطريقة غريبة جدا! بأستخدام قطع من لعبة (الليغو) الشهيرة وترتيبها بطريقة تكمل الجزء المفقود من الحائط , اما في زاوية اخرى قاموا بأعادة استخدام صناديق مختلفة الاحجام انتهت الحاجة اليها في بيوتهم ليكونوا حائط المفاجئات وتبادل الرسائل والتذكارات 

مساحة شبابية مثلوها ب منصة (ستيج) مرتفع نوعا ما يطل على حديقة كبيرة كان قبل سنوات طويلة وبعيدة (طرمة) تستخدم كأستراحة للعائلة البغدادية يقضون فيها عصرونياتهم الجميلة ,, ليتحول الان الى منصة لأقامة الفعاليات الشبابية المختلفة في الهواء البغدادي الطلق 

اما في الطابق العلوي فكانت الحكاية مختلفة, كانت رؤية الشباب في تصميم الغرفة العلوية من مركزهم الشبابي مختلفة ,, الى حد صنعهم لطابق ثاني من الحديد مع درج ومخزن من الخشب ,, وتصاميم بتوجه حديث لكي تكون هذه الغرفة هي مكان للعمل الجاد بكل هدوئ وايضا مقر لمشروع ناشئ مختص بترتيبات المناسبات المختلفة اسمه (نفاخة) حيث استقر هناك 

هذا الغرفة تحتوي على شرفة جميلة جدا, لكونها مكان مرتفع محاط بالاشجار والهواء النقي وعبق رائحة التراث البغدادي الاصيل 

واخيرا المساحة الشبابية التي نفذوها الشباب كانت من ضمنها مكان للشواء, ومكان للجلوس في الهواء الطلق في الحديقة ومساحات صغيرة اخرى مختلفة 

كل هذه المساحات موجودة ومتوفرة لكل شباب وبنات بغداد الطموحين الفعالين في مجتمعهم ولديهم نظرة ايجابية تجاه بغداد 

جميع هذه المساحات موجودة في سنتر الشباب , مركز السلام ال 

IQPeace Center 

IQPeace Media 2018