Posted in IQPeace Media, Peace news, Press Release, youth, سلام

استمارة التطوع في مهرجان بغداد دار السلام التاسع

بكل حب نعلن عن انطلاق استمارة التطوع في مهرجان بغداد دار السلام التاسع

شنو معنى نعيش سوية بهاي المدينة الي اسمها الاصلي دار السلام

شبابنا بكل سنة نضج وكبر ويا مفهوم السلام، مفهوم الحب والمبادرة والعطاء لبغداد

هدفنا لهاي السنة نعزز وننشر ريادة السلام بشكل اوسع من قبل 

#شبابنا_رواد_السلام

حيكون الهاشتاك السنوي

لمهرجان بغداد دار السلام التاسع

للانضمام الى عائلة المهرجان من خلال الرابط ادناه

IQPeace Media Team 2019
Posted in Articles, English, IQPeace Media, Peace news, Peace Stories, قصص السلام, youth, سلام, شباب, عربي

كلنة عدنة طاقات نكدر نستثمرها في سبيل بغداد واهلها 

English –  عربي

كلنة عدنة طاقات نكدر نستثمرها في سبيل بغداد واهلها 

صديقنا يوسف ثامر من بغداد طالب جامعي عمرة 21 سنة  
اشترك يوسف بالمهرجان لاول مرة هاي السنة و اللي تعرف عليه من خلال اصدقائه وصار بفريق الاكشاك وعمل يوسف بهذا الفريق هو العمل اليدوي والرسم 

الي دفعة للتطوع هو حب بغداد وحب التطوع ورسم الابتسامة على وجوه الاخرين ، عالرغم من انه واجه صعوبة بالبداية بس بعدين وشوية شوية شاف يوسف انو هالفريق هو مكانه الصح واللي يتلائم وية افكارة وطموحه 
وصفلنه يوسف العمل بالمهرجان انو هو شي كلش راقي ومتحضر ويدعوا للسلام والتمدن بصورة صحيحة وتوعية لفكر المتطوعين

الناس الي حيحضرون المهرجان اللي بدورهم راح يوعون المقربين الهم وبهكذا طريقة راح ينتشر الوعي بالسلام والمحبة عند هواية ناس لان الهدف الاساسي من المهرجان هو رسم صورة حلوة عن بغداد بشكل خاص وعن العراق بشكل عام لان بغداد من مدة وهي تشهد انواع المآسي والحروب لذلك حتى ترجع بغداد احسن لازم نخلي السلام هدفنا الاول

We all have this power we can use for the sake of Baghdad and it’s people

A friend of ours “Yusuf Thameer” from Baghdad, a college student with an age of 21
He joined the IQpeace festival group for the first time this year. Yusuf knew about it from his friends, now he is working with the booths team
His job is to do the handcraft and painting stuff also – he is going to draw onlive on the festival day-
What really inspired him to join us is his love for Baghdad and volunteering
His goal is to put a smile on everyone’s faces. Later on he knew this team is the right place to be in. This is where his thoughts and ambitions belong
He described this work as if it is something loyal and civilized, a work that’s shutting out for peace in the correct way to light up volunteers minds and also to guide those who are coming which in their turn will guide their friends and relatives. In such ways we can spread the significance of peace and love to a lot of people because the main reason of this festival is to create a good image about Baghdad in particular and Iraq in general. As the beloved Baghdad struggled a lot of war and fights the latest few years, we want it to return to its very good century and become better, that’s why we need to make peace our prime goal

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

 تعلمت حب الاختلافات الي بيني وبين غيري

 تعلمت حب الاختلافات الي بيني وبين غيري

جنان محمد
عمري 20 سنة, طالبة جامعية
مشاركتي بالمهرجان صارت عن طريق الصدفة،واختاريت فريق الرسم و الديكور لأن هوايتي الرسم
رغبتي انو اقضي وقتي و اني دااسوي شي حلو استفاد منه وافيد غيري دفعتني اشارك بالمهرجان
اعرف المهرجان من 2012 لأن اخوية مشارك بيه و اني وعائلتي حضرنا المهرجان لأكثر من سنة بس مصارت فرصة اشارك بيه الا بهاي السنة
صار تغيير بحياتي لأن تعرفت على ناس روحهم حلوة و لطيفين وطموحين جدا

وصرنا اصدقاء وهالشي فرحني كلش وخلاني احب الاختلافات الي بيني وبين غيري لأن

كل شخص بينه له شي مختلف بشخصيتة هو الي يميزه

IQPeace Media Team 2018

Posted in Articles, English, IQPeace Media, Peace news, Peace Stories, قصص السلام, youth, سلام, شباب, عربي

لا تسمع كلام من يحاول ان يزعز احلامك او يخرب طموحك

لا تسمع كلام من يحاول ان يزعز احلامك او يخرب طموحك

‎سماء حازم
‎ عمري ١٩ سنة ‏ ‎طالبة في قسم الترجمة ترجمة
‎من اني وصغيرة احب اسوي شي اخلي اهلي والناس القريبة مني يفتخرون بية واحب اقدم المساعدة مو شرط للناس

مثلا ازرع وردة بشارع وانطي روح وجمال لهذا الشارع احتمال يكون شي بسيط بس بنفس الوكت انطى معنى
‎لهذا السبب شاركت بهذا المهرجان حتى اقدم شي للمجتمع واحس اني عنصر فعالة وارسم ولو ابتسامة بسيطة على وجوه الناس هاي المشاركة الاولى الي بهذا المهرجان تعرفت عليه عن طريق صديقاتي وجذبني الموضوع وحبيت روح التعاون التصير بيناتنا الهدف من هاي المشاركة نعمل عمل جماعي كشباب ونوصل للعالم صورة جميلة للعراق 

‎اتأمل ان نرتقي بالمجتمع العراقي ونعرف معنى التطوع والعمل الجماعي
‎كلمتي موجهة للفئتين سواء الذكر او الانثى بغض النظر عن العمر
‎ما دام عندك طموح وعندك افكار فخلي الناس تطلع عليها احتمال تغيير حياة ناس وترسم ابتسامة على وجوههم واعمل على نفسك وتطور اكثر حتى يكون لحياتك معنى واهم شي ثقتك بنفسك لا تسمع كلام من يحاول ان يزعز احلامك او يخرب طموحك

“do not listen to those who try to discourage you or your ambition..”
My name is Samaa Hazem, I’m 19-year-old and I study Translation. 
Since I was young, I always try to do something to make my parents and those who are close to me proud, and I love to provide help, not just for the people, but for other reasons, for example, I always plant a flower in the street to give it more beauty, it might be a simple thing to do but it means a lot to me. That’s why I volunteered for the carnival, to give something for the community and to feel like an active element, to paint a smile on people’s faces even if it was for one day.
This is my first participation in the carnival, I found out about it from my friends, I was extremely interested to the idea of teamwork. The purpose of this participation is to work together along with my other volunteer friends to give a beautiful and peaceful image of Iraq to the whole world. I hope for us as civilians to develop our Iraqi society and to know the true meaning of volunteerism and teamwork.
Finally my words to both the ladies and the gentlemen regardless their ages is as long as you have ambition and an idea then share it with other people because maybe you will change their life and make them happier, develop yourself in order to give meaning to your life but most importantly do not listen to those who try to discourage you or your ambition

 

IQPeace Media Team 2018

Posted in Articles, IQPeace Media, Peace Stories, Press Release, قصص السلام, youth, سلام, شباب, عربي

بالتعاون نكدر نخلي السلام يصير بكل مكان 

بالتعاون نكدر نخلي السلام يصير بكل مكان 

اسمي نور، عمري ٢٠ سنة 
جنت اسمع بالمهرجان بس مجنت اروح 
في السنة السابقة رحت وشفت الروح الموجودة بالمتطوعين, الابتسامة الي متفارك وجوههم, حسيت بفرحتهم من ديشوفون المهرجان شلون نجح، وفعلاً ممكن بأيدهم يتحقق السلام، حسيت ان مكاني وياهم وحبيت اقدم شي يفيد المجتمع وكلت بيني وبين نفسي هذا المهرجان بعد ما اجي كضيفة لازم اكون متطوعة وياهم, وفعلا تطوعت
مع ان هوايتي التصوير وشغلي بالديكور بس فريق التشريفات ترك فد بصمة كلش حلوة في بالي ودائماً اتذكر ترحيبهم بية وبكل الضيوف فحبيت اكون وحدة منهم لذلك انضميت لفريق التشريفات 
هدفي ان اشارك بشي يفيد مجتمعنا لان مجتمعنا محتاج وگفتنا و شعور حلو من تحس ان انت سبب في بسمة احد او ضحكة احد ،تحس بالفخر من انت تكون مساهم بشي ممكن يطورنا ويقدم مجتمعنا للافضل
الشباب والبنات عدهم طاقات كلش كبيرة من كل النواحي وماكو احلى من ان نوجه هالطاقات لشي ممكن يفيد بلدنا حتى يكون فعلاً بلد السلام

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

الطاقة الشبابية الموجودة ممكن تغير الكثير من الأمور السلبية في المجتمع

الطاقة الشبابية الموجودة ممكن تغير الكثير من الأمور السلبية في المجتمع

اسلام مهدي  
عمري ٢٣ سنة
مهندس مدني و صاحب مركز بيع للمكملات الغذائية
شاركت بالمهرجان لأن اني مؤمن ان الطاقة الشبابية الموجودة ممكن تغير الكثير من الأمور السلبية في المجتمع وهو فرصة لنشر التوعية وبث السلام الحقيقي لان ينطي التوجيه الصحيح والطريق الصحيح بنشر التوعية وتغيير الواقع السلبي 
اني ضمن فريق الستيج وهاي ثالث سنة اشارك 
الهدف الاهم هو تطبيق السلام ع ارض الواقع مو فقط نشر كلمة السلام لان

الفكرة النظرية لا فائدة منها بدون تطبيق هالفكرة عمليا

تعرفت على المهرجان من طريق منشور وانضميت اول سنة بشكل فرقة بعد تابعنا  عمليات الترويج المخصصة للمهرجان في وسائل التواصل الاجتماعي 
 اتأمل بالمهرجان انو يحث الشباب على نشر السلام ونشر الطاقة الايجابية الي بدورهم راح يتغير الواقع تدريجياً لاني مقتنع جدا كثرة الضغط على الفحم يولد الماس وبالتالي كثرة التوعية وكثرة نشر الافكار الايجابية التي تنبذ السلبية في هذا المجتمع حتكون سبب في ولادة جيل جديد واعي بفضل هيج مهرجانات وهيج افكار 

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

حتى وانت مشغول تكدر توظف كم ساعة بالاسبوع تفيد بيها غيرك 

حتى وانت مشغول تكدر توظف كم ساعة بالاسبوع تفيد بيها غيرك 

عمار رافد .. شاب من بغداد وعمره 27 سنة 

عمار يعمل بمنظمة انسانية تفيد الناس و دائماً يحاول يتعلم اشياء جديدة بمجال عمله ويكسب معارف اكثر واكثر

و من الناحية الاخرى هو ايضاً يحاول يوظف خبرته ومعرفته باشياء تفيد مجتمعنا وبيئتنه 

لذلك عمار انظم للمهرجان ويانة وهذه هي اول سنة يتطوع بيها ويانة وكال ايضا انه المهرجان معروف ولكن صديقة هو الي شجعة للانضمام

اشترك عمار بفريق الشراكات الي يقوم بعمل شراكات مع مؤسسات او شركات او جامعات تهدف الى خدمة المجتمع وتوفير دعم مادي وخدمات اخرى تفيد المهرجان

وهالفريق هو قريب من افكاره وطموحاته و وصفلنة المهرجان بانه “بيئة تدعو الى الايجابية ” ومن خلالة فهو يتأمل انو الناس صدك تعرف معنى التطوع وفائدتة للمجتمع بعدها وجّه كلمة للناس وكال انو حتى اذا جنت مشغول تكدر توظف شكم ساعة من وقتك خلال الاسبوع تفيد بي غيرك لان غيرك الة حق عليك 

بغداد حترجع 100% مدينة سلام وينصح كل شخص انو ينضم لعائلة المهرجان

IQPeace Media Team 2018