Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

بغداد تحتضن شباب واعي له القدرة على التغيير

بغداد تحتضن شباب واعي له القدرة على التغيير

 رغد احمد 
فريق الاكشاك

2018 هاي السنة الأولى الي بمشاركتي بمهرجان بغداد دار السلام
لذلك الحماس اله لا يوصف، التجربة اللي اتاحها النا المهرجان بالتعرف على ناس يبدعون بنفس الأشياء اللي نحبها جدا تعنيلي

فرحة الحضور وفضولهم بشوفة الأعمال تبعثلنا تشجيع مو طبيعي، الأبتسامة اللي تشارك كل متطوع بالمهرجان وهو ديشتغل حتى ينجز شي حلو جدا تنطيني امل، حماس، و سلام
“السلام” 
يجتمع ببغداد بكل يوم ما دامت تحتضن شباب واعي مثقف و له قدرة على التغيير للأفضل
لذلك أنا جدا ممتنة لهاي الفرصة اللي حظيت بيها 

ممتنة لكل شخص ساهم بجعل بغداد عاصمة للسلام 

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

الفن شئ أساسي في الحياة

الفن شئ أساسي في الحياة

سنا حيدر 
عمري 20 سنة
هدفي من التطوع هو زيادة وعي الناس بالفن وضرورة وجود الفنانين داخل العراق الكثير  من الموهوبين والطموحين يتمنون انو ينشرون فنهم الي يتحدث بلغة السلام للعالم 
تعرفت عن المهرجان عن طريق صديق كان مشارك بالسنوات السابقة و اني انضميت لفريق الستيج وبالتحديد مع ( العزف الشرقي ) وهاي اول مشاركة الي 
 أغلب شباب العراق يتمنون يصير تغيير ب افكار الناس تجاه الفن بصورة عامة

وانو يعتبرون الفن شي اساسي بحياتهم مو يعتبرون الفن شي ماله مستقبل بالحياة

كثير من الشباب والبنات الموهوبين والي ميكدرون يظهرون موهبتهم وهذا بسبب عدم توفر الفرص المناسبة الهم وموثقوا بيهم وبقدراتهم

الهدف من المهرجان تغيير رأيي الناس عن الفن بصورة عامة والتعرف على الناس المدنيين الي يحبون ينشرون السلام ببلدنا ولتعلم اشياء جديدة عن مجالي الي احبة مجال الموسيقى

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

بأيد وحدة نكدر ننشر السلام ونرسم البسمة

بأيد وحدة نكدر ننشر السلام ونرسم البسمة

اسمي رافد قيس عمري ٢٢ سنة

احب الاعمال التطوعية وجانت امنيتي اتطوع بالمهرجان استهوتني فكرة التطوع

بسنة ٢٠١٦ تعرفت على المهرجان عن طريق موقع التواصل الاجتماعي حسيت المتطوعين بمثابة عائلة وحبيت اكون ضمن هالعائلة ونشتغل ايد وحدة وننطي صورة رائعة للعراق
انظميت لفريق الترجمة لان حسيت هالشي مرتبط بدراستي بصفتي طالب ترجمة مرحلة ثالثة

الهدف من هاي المشاركة نحسن من صورة بغداد وننشر السلام والبسمة بوجوه العراقيين ولو يوم واحد 
اتأمل ان نتطور للافضل ونستثمر الطاقات الشبابية من خلال الثيمات والعروض الي يتم تقديمها اثناء المهرجان ونثبت للعالم أن العراق بلد السلام

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

بغداد هي مكاني الي انتميله والي قلبي يحنله

بغداد هي مكاني الي انتميله والي قلبي يحنله

..

اسمي زهراء جعفر

وعمري 25 سنة وموظفة .. شاركت بالمهرجان لان احب الاجواء الي اشوفها كل سنة بالمهرجان من جنت احضر

بس هالسنة حبيت اكون احد متطوعي المهرجان وانضم الهم لاول مرة لان احب الاجواء الايجابية الي يحسسون الناس بيها ويملون الحياة بيها و لان هالمهرجان يتلائم وية افكاري وطموحاتي 

لهذا شاركت بفريق الشراكات .. كلش حابة المهرجان واحلى شي صارلي هالسنة 

تعرفت عالمهرجان من السوشل ميديا وبحثت عنه اكثر وحبيت فكرتة ومن شاركت كلش استفاديت من كل النواحي وكسبت علاقات جداً حلوة لهذا انصح كل انسان انو يشارك بالمهرجان .. واتأمل  انو يصير اكو تفائل اكثر بالحياة و بعملنا بالمهرجان نكون ساعدنة بنشر التفاؤل

احب كل الناس انو تؤمن بفكرة السلام مثل ما احنه مؤمنين بيها

اما بغداد فهي المكان الي انتمي الة والي قلبي يحنلة فما اتمنى شي لبغداد بس اتمنى ترتاح وتتطور واهلها يحافظون عليها

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

التطوع غير حياتي ٣٦٠ درجة

التطوع غير حياتي ٣٦٠ درجة

عمر خالص

عمري ٢١ سنة

الاسباب الخلتني انضم للمهرجان انو شفت هذا المكان هو عائلة مو بس مجرد متطوعين

مكان اكدر اتعلم بي اشياء هواية و التقي بناس ممكن يضيفولي خبرة بحياتي

هذا المكان نكدر من خلاله نغير بالمجتمع ولو شي بسيط نكدر نفرح بيه ناس نكدر نقدم لبغداد هدية بسيطة

اني من متطوعين فريق الصيانة وهاي السنة الثالثة الي وياهم و تعرفت على المهرجان من خلال صديقي المقرب الي جان يسولفلي شون يشتغلون شون هم عائلة وحدة فحبيت هالمكان واني متأمل تغييرات هواية حتصير بالمجتمع و بديت الاحظ ولو شي بسيط انو اكو هواي ناس بدت تجي للمهرجان كمتطوعين او كحضور للمهرجان

التطوع غير حياتي ٣٦٠ درجة مجنت اني هيج شخصيتي اتغيرت افكاري تغيرت مهاراتي هم اتغيرت

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

تقديم المساعدة للأشخاص الي يحتاجوها وتبادل المعلومات

تقديم المساعدة للأشخاص الي يحتاجوها وتبادل المعلومات
زارا
عمري 22 سنة 
صيدلانية متخرجة حديثا،وانضميت لفريق الاسعافات الاولية وهاي المرة الفعلية الاولى للمشاركة بمهرجان بغداد للسلام. هدفي بحكم مشاركتي بفريق الاسعافات اللي اختاريت التقديم اله بالذات هو تقديم المساعدة الصحية والاسعافات الاولية للاشخاص اللي يحتاجوها،وأيضاً تبادل ال المعلومات والخبرات واشتغل ويه ناس عدهم نفس الهدف  والاهتمامات

IQPeace Media Team 2018

Posted in Articles, English, IQPeace Media, Peace news, Peace Stories, قصص السلام, youth, سلام, شباب, عربي

عليكم بتغيير ذاتكم ومن ثم تغيير المجتمع

عربي – English

عليكم بتغيير ذاتكم ومن ثم تغيير المجتمع فالتغيير يبدأ من الذات اولاً 

اسمي محمد علي من بغداد وعمري 21 سنة

طالب جامعة قسم تقنيات مدنية .. كوني متطوع (حملة شبابنا) فريق بغداد عملنا اكثر من معرض كتاب بالجامعات والملتقيات الثقافية و حبينا نشارك مهرجان بغداد دار السلام لاول مرة بفريق الاكشاك اللي يلبي طموحي كشاب عراقي يحب يطور ويغير نفسة وبالتالي ينقل هذا التغيير للاخرين 
 دائماً احب اشارك بالمهرجانات العامة اللي تحث المجتمع العراقي على السلام وعدم اللجوء الى الحلول الاخرى

وايضاً تحثه على القراءة بشكل عام وتوفير بعض الفقرات المجانية من خلال كشك الكتب لان القراءة غذاء الروح 
و كتجربة شخصية الية انضافتلي هواي امور وخبرات وكدرت اتعرف على بقية الفرق واكتسب شي معين وحلو من كل فريق بهذا المهرجان..
لذلك انصح كل شاب عراقي ان يشارك بالمهرجان واكوللهم عليكم بتغيير ذاتكم ومن ثم تغيير المجتمع فالتغيير يبدأ من الذات اولاً ولان بغداد تستحق التغيير فهي كانت وما زالت مدينة الثقافة والسلام

You have to change yourself and then change the society because the change starts from your own.

My name is Mohammed Ali, from Baghdad. I’m 21 years old, a student at the department of civil techniques. As a volunteer in Shababuna campaign/ Baghdad team, we together worked more than a book fair at the universities and cultural gatherings. This year, we loved to participate in Baghdad City of Peace carnival for the first time with the booths team, which satisfies my ambition as an Iraqi young man who loves to develop and change himself so that to pass this change to the others.

Furthermore, I love to participate in public carnivals that encouraging the Iraqi society on peace and not resort to other solutions; also, encouraging on reading in general and provide some free paragraphs through the book booths because the reading is the soul food.
As a personal experience, it added a lot of things and experiences to me, and I was able to get to know the rest of the teams and gain something special and beautiful from every team in this carnival.
Therefore, I advise every Iraqi young man to participate in the carnival and tell them that you have to change yourselves and then change the society; because the change starts from your own, and Baghdad deserves to change, because it was and still the city of culture and peace

IQPeace Media Team 2018