Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

حتى وانت مشغول تكدر توظف كم ساعة بالاسبوع تفيد بيها غيرك 

حتى وانت مشغول تكدر توظف كم ساعة بالاسبوع تفيد بيها غيرك 

عمار رافد .. شاب من بغداد وعمره 27 سنة 

عمار يعمل بمنظمة انسانية تفيد الناس و دائماً يحاول يتعلم اشياء جديدة بمجال عمله ويكسب معارف اكثر واكثر

و من الناحية الاخرى هو ايضاً يحاول يوظف خبرته ومعرفته باشياء تفيد مجتمعنا وبيئتنه 

لذلك عمار انظم للمهرجان ويانة وهذه هي اول سنة يتطوع بيها ويانة وكال ايضا انه المهرجان معروف ولكن صديقة هو الي شجعة للانضمام

اشترك عمار بفريق الشراكات الي يقوم بعمل شراكات مع مؤسسات او شركات او جامعات تهدف الى خدمة المجتمع وتوفير دعم مادي وخدمات اخرى تفيد المهرجان

وهالفريق هو قريب من افكاره وطموحاته و وصفلنة المهرجان بانه “بيئة تدعو الى الايجابية ” ومن خلالة فهو يتأمل انو الناس صدك تعرف معنى التطوع وفائدتة للمجتمع بعدها وجّه كلمة للناس وكال انو حتى اذا جنت مشغول تكدر توظف شكم ساعة من وقتك خلال الاسبوع تفيد بي غيرك لان غيرك الة حق عليك 

بغداد حترجع 100% مدينة سلام وينصح كل شخص انو ينضم لعائلة المهرجان

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

هناك فئة شبابية دتشتغل وتتعب في سبيل صنع السلام

هناك فئة شبابية دتشتغل وتتعب في سبيل صنع السلام

اسمي اشرق عقيل

عمري 22 طالب كلية

سبب مشاركتي في المهرجان هو محاولة تقديم شي لبغداد و نشر السلام و اظهار بغداد بصورة اجمل

اني متطوع ضمن فريق الصيانة (ابطال الصيانة ) وهاي المشاركة الاولى الي بالهرجان  وهدفي تحسين نظرة العالم للتطوع والمهرجان ونخليهم يعرفون انو هناك فئة شبابية دتشتغل وتتعب في سبيل صنع السلام وتخلي العالم تعيش هاليوم بساعدة مطلقة ولو شكم ساعة

تعرفت على المهرجان عن طريق السوشيال ميديا و الاصدقاء 

واني متأكد حتصير تغييرات هواية مثّل نشر السلام و نوعي الناس بالأهداف الأساسية ليوم السلام العالمي

IQPeace Media Team 2018

Posted in Articles, IQPeace Media, Peace news, Peace Stories, قصص السلام, youth, سلام, شباب, عربي

تعريف الناس بمعنى التطوع والسلام وشون ممكن يتحقق 

تعريف الناس بمعنى التطوع والسلام وشون ممكن يتحقق 

 مريم صلاح  عمري 19 سنة 
 
طالبة طب اسنان
حبي للعمل التطوعي دفعني اشارك وحتى اتعلَّم اكثر بهذا المجال
انضميت لفريق الاسعافات الأولية / التشريفات 
السنوات السابقة كنت مجرد حظور وهالسنة اول مشاركة مع الفريق

هدفي هو ان أفيد الناس بهذا المجال وبدون اي مقابل وتعريفهم بمعنى التطوع والسلام وشون ممكن يتحقق واستفيد من خبرات غيري لتطوير خبراتي
اتعرفت على المهرجان عن طريق مواقع التواصل الاجتماعي والاصدقاء 
متأملة ان الناس تبدي تتفهم شنو العمل التطوعي ويكون لكل الشخص رغبة بتقديم المساعدة بأي طريقة يكدرلها

IQPeace Media Team 2018

Posted in Articles, English, IQPeace Media, Peace news, Peace Stories, قصص السلام, youth, سلام, شباب, عربي

السلام يبدي منك انت 

السلام يبدي منك انت 

بلسم موسى باقر … عمري ١٩ سنة

 طالبة مرحلة ثانية معهد فنون شعبية قسم رسم وتصميم … حبيت انو اشارك بالمهرجان لان اشوفة مبادرة كلش حلوة قادرة انو تنقل صورة لطيفة عن بغداد بعيد عن كلشي سلبي بيها 
يوم يكون الناس كلهم فرحانين والاحلى من هيج انو تكون انت سبب بسعادة احد من هذولة الناس هواية سمعت عن هالشعور وجان بنفسي انو اجربة 
والحمد لله بيوم المهرجان حجربه واكيد اكو اسباب ثانيه بس هذا اهم سبب 
تعرفت ع المهرجان من خلال صديقتي بالبدايه و لما اجيت للسنتر كلش اتحمست وصارلي واهس اكثر وانضميت لفريق الاكشاك، كلش حابة الشغل بي اولا لان ضمن اختصاصي ثانيا لان هذا اكثر فريق حيأثر بصوره المهرجان وهذي اول مشاركه اليه بالمهرجان واتمنى انو متكون الاخيره وان شاء الله بالسنوات الجاية نسوي افكار جديدة بالتعاون وية باقي الفرق ونطلع بشي جديد
الكل ديشتغل بصورة كلش حلوة الكل ديشتغل من كل كلبه وهو هذا احلى شي بالشغل واتمنى من مكاني هذا انو اكدر احقق ولو شي بسيط لبلدنا لان احنه نحب بغداد وكل العراق وحترجع بغداد مثل الاول واحسن 
لهذا اني انصح الكل انو يشارك او يجرب انو يفكر بالموضوع حتتغير نضرتك عن هوايه شغلات كلشي ب ايدنه الحزن الفرح وكلشي لتكعد تحط ايدك ع خدك وتكول مابيدك شي السلام يبدي منك انت 

Peace starts with you
Balsam Musa Baqer, I’m 19 years old, I study art and design in the institute of public arts… I wanted to participate in this festival because I see it as a nice step toward passing a great picture of Baghdad to the word away from all negative vibes
In this day people can feel joy, and the best thing about this is that I can be one of the reasons that people are happy, I heard about this feeling a lot and I wanted to try it.
I heard about this festival through a friend and when I came to the center I was thrilled and I had the motivation to be a part of it, so I signed for the Booths team and I really like to work there, firstly because of my major and secondly because this team affects the festival picture the most. This is my first time volunteering and hopefully, it won’t be the last, I also hope that we come up with new ideas next year in cooperation with other teams
Everyone is working so hard and they are putting their hearts in every aspect of their work and this is the best thing about it. And from my spot, I wish I can be able to make the slightest change in my country because I love Baghdad and every spot in this country and I know that Baghdad will go back to its golden age and maybe better
That’s why I advise everyone to participate or at least think about it, you will see how you’ll change your perspective about so many things. You should know that everything’s in your hands, sadness, and joy everything! So don’t just sit around grieving thinking that you can’t change a thing, peace starts with you

IQPeace Media Team 2018