“ثقة بنفسي أكثر”

“ثقة بنفسي أكثر”

غنوه من فريق الديكور
عمري 19 سنة طالبة كلية الفنون الجميلة قسم تصميم داخلي
تعرفت على المهرجان عن طريق صديقاتي چانوا سابقا مشاركين, اول مرة شاركت مع فريق (هاند كرافت) في السنة السابقة و هل السنة چنت مع فريق الرسم و الديكور
المهرجان ينطي مساحة للشباب حتى يشتغلون و يعتمدون على نفسهم ويتعرفوون على اصدقاء يساعدوهم و يخليهم يدخلون باجواء حلوة بحياتهم مع اهلهم او في اجواء عملهم او اماكن دراستهم بالاضافة يخلي الشخص يتعلم اكثر من الامور ويخلي يفكر بطريقة احسن ويكدر يتعلم مهنة او الهواية الى تفيده
المهرجان ضافلي ثقة اكثر بنفسي انطاني امل ان اكو سلام ببغداد و نكدر نحسن من و ضعنا الحالي و اكو محبة و اكيد ضاف اهل و اصدقاء يجننون وخلاني اغير تفكيري واتحمس
الهدف الاساسي من المهرجان برأيي ان يغير نظرة الناس لبغداد و يخلينا نكون عائلة وحدة مرتبطة بسلام و حُب و فن وكلشي حلو وسلمي
قبل سنة اهلي مچانوا قابلين اشارك لان يخافون من الوضع بس بعد ما اصريت و قدمت اثبتتلهم ان لا .. ماكو شي بالموضوع و اكو سلام و نكدر نعبر عن رأينا و نكون اقوى ومنخاف من انفجار او ازدحام وغيرها من الظروف الي قد تكون مؤذية وهذا خلاهم يقتنعون اكثر بالمهرجان وقضيتة و هذه السنة ايضاً شاركت و چان شي كلش طبيعي بالنسبة لهم
اما الي حققه المهرجان بالنسبه الي خلاني افرح اكثر من اشوف الحضور سعداء كلش بالشغلات الي قدمناها وعملنا عليها وهذا الخلاني انسى التعب وايضاً يخليني ابقى اقدملهم اكثر واحسن
حلو واحد من يسوي شي بسيط او يتعلم شي ولو كلش بسيط ويشوف ناس القريبين عليه فرحانين بهذا الشي وهو هم حيفرح وخاصة احنا كلش هواية محتاجين شغلات تكون تخلينا سعيدين ونطلع من اجواء العايشيها
فاكيد المهرجان كدر يحقق كل هذا و يفتح للشباب مساحة من خلالها تتعلم اكثر و تقدم اكثر للمكان العايش عليه ومن خلال كل هذا يستغلون الوقت بشكل افضل من كعدة البيت

Media Team 2017

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s