شغفي بالحياة أن اشوف مدينتي بغداد من أجمل المدن في العالم

‘‘ شغفي بالحياة ان اشوف مدينتي بغداد من أجمل المدن في العالم ‘‘ 

رحمة هادي

كاتبة ورسامة تشكيلية, خريجة برنامج الايلب لسنة 2017

متطوعة  ب مهرجان بغداد دار السلام للسنة الثانية على التوالي العام جنت بفريق الاكشاك وهالسنة بفريق الديكور

اني بكوني انسانة اجتماعية كلش و احب العمل التطوعي بشكل عام فدائما اشارك بمهرجانات وفعاليات تصير بمدينتي بغداد وبعض المشاركات خارج بغداد اذا كانت اكو فرصة

الشي الي احبه بالعمل التطوعي هو روح المساعدة والتعاون الي تجمع الكل حتى يحققون هدف واحد

والكل يشتغل بحب ويقدم افضل ماعنده حتى يفرح غيره

هالاشياء هي الي تخليني استمر بالعمل التطوعي

شغفي بالحياة هو انو اشوف مدينتي بغداد بعيون الي عايشين بيهه وبعيون العالم كله اجمل مدينة

ولكوني رسامة

استثمرت هالموهبة بالمهرجان مثلا العام اشتركت بفريق الاكشاك وجان عندي كشك رسم تاتو مؤقت عالايد وشفت هالشي لاقى اقبال من الناس الي اجوي

حبيت هالسنة اغير واروح ويه فريق الديكور واستثمر موهبتي اكثر بالمساعدة برسم ثيمات المهرجان

المهرجان فادني من عدة نواحي

أول شي تعرفت على اصدقاء وصديقات أعتبرهم عائلة ثانية بالنسبة الي

وكذلك زاد عندي روح التعاون وروح الفريق

وتعلمت شون أعمل وأقدم الافضل بحب وسلام

هدفي بالحياة انو استثمر مواهبي اكثر بأفادة مجتمعي

احب اكول للشباب

احنه كلنه منخلقنه حتى نعيش حياة تقليدية وعادية

“ناكل ونشرب ونام ونشتغل شغل عادي”

كلنه نخلقنا حتى نكون اصحاب بصمة بالحياة لازم كل شخص بينة يكون اله اثر بهالحياة ويكون هالاثر ايجابي على مجتمعه ونفسه

و يكون هو مصدر للابداع والابتكار

وخصوصا احنه نولدنا بمجتمع يعاني من كثير من المشاكل فدورنا كشباب انو نعالج هالمشاكل وننشر الحب والسلام

Media Team 2017

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s