الى متطوعين مهرجان بغداد دار السلام

“مهرجان بغداد دار السلام “

معظمكم افتهم الفكرة ..الالية الخ  مهه”

بعضكم يمكن متردد ..
محتار ..
خايف..
خجلان ان يقول رأيه لاسيما الجدد..
يمكن البعض لحد هاللحظة من يرجع من اﻻجتماع والتحضيرات
يقول وبعدين؟ ويمكن يقرر ينسحب بسبب اهل..ظروف الخ
خليني اكولكم شي
هالشي طبيعي ..
شعور يمكن كلنا مرينا بيه
ويمكن اكثر..
بس وصلنا لقناعة بعد ما سوينا اول مهرجان
انه اكو لحياتنا قيمة وهدف كلش حلو
فكرة انه اكو ناس حتى لو شخص واحد
بسببك رجع لبيته وهو مبتسم
او انت نسيته لمدة 3ساعات همومه ..
بحذ ذاته هذا شي حيخليكم تتمسكون بالحياة اكثر
و بكل امل ..حتى لو صغير ..
يمكن محنحل مشاكل الدولة بمبادرتنا هذه
ويمكن محنحمي الناس الي بخطر دائم..
بس الي متأكدة منه انو انتو حتفرحون ناس هواية 

وحتثبتون للي يكول انه الشباب بعضهم فاشل بالدراسة ..عمل .. حياة اجتماعية .. الخ انه غلطان..

انتو ناجحين وحتنجحون . . و حترجعون لبغداد سلامها..
.. يوم السلام مو يوم عادي ..
يوم السلام يوم حتنولد بيه شغلات هواية
علاقات اجتماعية وصداقة حتدوم ..
احلام حتحقق واحلام حتنولد
يوم السلام هو بداية لشيء رائع
بيه حتتغير نظرتكم لهواي شغلات اولها نفسكم..